Martxan jartzen gara abakandoarekin, burua kendu eta isatsa zuritzen dugu. Intxaurrak apurtzeko tresnaren laguntzarekin haginen haragia ateratzen joango gara, beti ere pieza osoa mantentzen saiatuz. Azala eta burua gorde egiten ditugu.

Tipula, azenario, txorizero piper eta abakandoaren azalarekin salda bat egingo dugu, zeinari azafrana gehituko diogun, eta behin prest arroza egiteko erabiliko duguna.

Baratxuria fin-fin mozten dugu eta kazola batean jartzen dugu kolorea har dezan olio apur batekin batera, arroza gehitu eta bertan kozinatzen dugu barazki eta abakandoaren azalarekin eginiko salda gehitu aurretik. Erabiliko dugun uraren kantitatea aldatzen joango da erabiltzen dugun arrozaren arabera.

Arrozari egina egoteko gutxi falta zaionean abakandoaren isatsa eta haginak (haragia) gehitzen dizkiogu egin daitezen.

Aurkezpena:

Platerra hartu eta arroza jartzen dugu bertan. Abakandoa hartu eta isatsa xerretan mozten dugu, arrozaren gainean kokatuz. Kokapenean abakandoaren forma mantentzen saiatzen gara, aurrean haginen haragia kokatuz.

Osagaiak (lau pertsonentzat):

Tipula bat
Azenario bat
Bi piper txorizero
Baratxuri bat
Azafrana
700 gr-ko abakando bat
250 gr arroz