Foie turroia curry, yogurt eta tomate arrokekin

Foie turroia:

Lehenik eta behin, turroia xehatu, ondoren gehitu blok zatia eta berriro ere xehatu.

Gelatina urarekin nahastu, 40ºtara egon behar du, eta aurreko nahasketa emultsionatzen dugu pixkanaka-pixkanaka, mahnesa bat izango balitz bezala.

Currya gehitu eta dena nahastu ore homogeneo bat lortu arte.

Nahasketa tuper edo ontzi lau batean ipintzen dugu, aurretik film paperarekin estali duguna, horrela gelifikatzerakoan erraz ateratzeko.

Iragazitako yogurta:

Iragazitako yogurta lortzeko, yogurt kuboa iragazten jartzen dugu txino baten gainean 12 orduz hozkailuan. Horrela, kontzentraturiko yogurt krema lortuko dugu. Behin krema dugula, barila batekin irabiatu, laua geratu dadin eta manga batean sartzen dugu.

Brontzeaturiko tomate arroka:

Tomate arrokaekin martxan jartzeko, osagai guztiak thermomixean xehatu eta bi karga dituen apar-sifoi batean sartzen dugu. Sifoia egoten uzten dugu ordubetez.

Plastikozko edalontzi batzuk zulatu eta horien 3/4 betetzen ditugu aparrarekin. Edalontziak mikrouhingarrian egosi 50 segunduz. Mikrouhingarritik atera eta buruz behera hozten uzten ditugu.

Masa moldetik atera eta arroka txikien antza duten zatitxoak ateratzeari ekiten diogu. Arrokak labean lehortzen ditugu, bertan edukiz 30 minutuz 100ºC-tara.

Aurkezpena:

Yogurt sable gaileta bat hartu eta gainean kokatu turroia, 12×2 cmko ebaki bat. Turroia dekoratu iragazitako yogurt botoiekin. Yogurt Botoien gainean kokatzen ditugun labean erretako almendra bastoiak. Azkenik arrokak kokatu eta menda fresko hiru hari.

Osagaiak 30 pintxo egiteko:

Foie turroiarentzat:

• 700 g ahate bloka
• 440 g turroi bigun
• 350 g ur
• Lau unitate gelatina orri
• 10 g curry

Iragazitako yogurra:

• Yogurt kubo bat

Brontzeaturiko tomate arrokarentzat:

• 200 g arrautz egosi
• 25 g irin
• 20 g tomate hautsa
• Gatza eta piperrautsa

Josean Merinoren (MarmitaCo y PerretxiCo / Vitoria-Gasteiz) errezeta

Eva Pascualen argazkia