Hirugihar iberikoa zigala eta kalabaza kremarekin

Hirugiharra:

Papada adobatu egiten dugu olio, baratxuri, piperrauts gorri, piperrauts beltz, ereinotza eta gatza eta azukre nahasketa (proportzio berean) batekin. Papada film paperrean bildu eta marinatzen uzten dugu hiru orduz.

Behin denbora hori pasata presio-eltze batean egosten dugu 45 minutuz.

Behin egosita hirugiharra moztu egiten dugu kartilagoak eta gehiegizko gantza kenduz.

Azkenik, egostean sortutako zukuaren zati bat urritu, lodi geratu eta zapore kontzentratu bat dun saltsa lortu arte, gazia geratu gabe. Gorde egiten dugu.

Kalabaza eta urdaiazpiko krema:

Kazola bat hartu eta bertan txigortzen ditugu, su eztian, xerra finetan moztutako urdaiazpikoa. Urdaiazpikoa kurruskari dagoela ikustean, ez errea, 200 ml ur gehitu eta hamar minutuz izaten dugu egosten. Behin denbora hori pasata sutik kendu.

Beste alde batetik, tipula sutan jarri eta kalabaza gehitu. Dena prest dagoela ikustean, urdaiazpiko-salda eta urdaiazpikoa gehitu, 15 minutuz egosten utziz. Behin denbora hori pasatzean, krema xehatu eta txino baten laguntzarekin iragazten dugu.

Limoi eta jengibre airea:

Osagaiak nahastu eta airea prestatzen dugu, arrainontzietako aire-sortzailea erabiliz.

Aurkezpena:

Hirugiharra zartagin batean edo plantxan markatzen dugu alde guztietatik, kanpotik kurruskari eta barrutik leuna geratu dadin. Papada bere egoste-zuku urrituarekin bustitzen dugu, lakatu arte.

Bitartean, enborretik zuritutako zigala markatu eta bero mantendu. Beste aldea gordinik baina bero uzten dugu.

Oinarrian kalabaza krema jarri; hiru zizerba horri, bata bestearen gainean; eta horien gainean papada eta zigala. Pintxoa limoiz eta jengibre airearekin laguntzen dugu.

Osagaiak:

Hirugiharrarentzat:

• 1,5 inguruko papada
• Azenario bat
• Tipula bat
• Hiru baratxuri ale
• Piperrauts gorria
• Gatza
• Azukrea
• Piperrauts beltza
• Ereinotza
• 0.4º oliva-olioa

Urdaiazpiko eta kalabaza kremarentzat:

• 500 gr kalabaza
• 150 gr urdaiazpiko
• Tipula bat

Limoi eta jengibre airearentzat:

• 200 ml limoi zuku
• 3 gr jengibre hauts
• 20 gr soja lezitina