Limoia sugarretan:

Limoia ondo garbitu eta sugarretan erretzen ditugu, kolore pixka bat hartu arte, guztiz erre gabe.

Limoi mojoa:

Osagai guztiak birrindu eta gatz, piperrauts eta jengibrearekin ondu.

Ganbak sugarretan:

Buruak eta isatsak banandu eta azken horiek zuritu. Isatsak ondu eta jengibre ikutua eman. Mojoaren pixka bat igurtzi eta parrilan erretzen ditugu buruekin batera. Gorde egiten ditugu.

Oilasko eta mihilu salda:

Labeko xafla bat hartu eta ondutako oilaskoa jarri olioarekin. Labean sartu 190ºC-tan ordubetez. Behin egina dagoela oilaskoaren zuku guztiak ondo bildu eta erdira urritu. Iragazi eta gorde.

Oilaskoa kazola batean sartu eta urarekin estali. Lau orduz utzi bertan egosten su eztian. Behin denbora hori igarota ehundura eman xantanarekin. Ondu eta infusionatu mihilua saldan lau minutuz. Iragazi eta gorde.

Vulcano hautsa:

Osagai guztiak birrindu guztiz, hautsa lortu arte.

Jengibre olioa

Xehatu eta iragazi

Amaiera eta aurkezpena:

Limoia hustu guztiz hustu gabe. Barrualdea mojoarekin bustitzen dugu eta ganba erreak sartzen ditugu bertan. Jengibre olio apur bat eta oilasko eta mihilu salda goilarakada bat gehitu.

Platerrean limoia bere ganbekin kokatu eta kanpoaldea patxuli olioarekin igurtzi eta horiek vulcano hauts eta mihilu hosto batekin laguntzen ditugu. Buru erreak bol txiki batean aurkezten ditugu labean eginiko zuku eta jengibre olio tanta batzuekin.

Osagaiak (lau pertsonentzat):

Limoi sugarretarako:

Tamaina ertaineko lau limoi

Limoien mojorako:

100 gr txigortutako almendra
10 gr piper txorizero haragi
20 gr ogi txigortu (ondo txigortua)
20 gr isomalt azukre
35 gr oliba olio
Bost tanta limoi zuku
Gatza, piperrautsa eta jengibrea

Ganbak sugarretarako:

Palamoseko 12 ganba
Gatza, piperrautsa eta jengibrea

Mihilu eta oilasko saldarako:

Oilasko garbi bat (750 gr /unid)
1 gr xantana (salda ½ l bakoitzeko)
0´4 oliba olio goilarakada bat
2.5 ur litro
Lau mihilu izpi
Gatza eta piperrautsa

Vulcano hautserako:

15 gr azukre
1 gr alberjinia errautsa
1 gr kanela hauts
1 ondo txigortutako arto tortatxoa

Jengibre oliorako:

0´4 oliba olio 1/2 l
100 gr jengibre fresko (zuritua)

Gainera:

Patxuliaren oinarrizko olioa (*) eta mihilu izpiak

(*) Patxulia landare bat da eta oinarrizko olioa izen bereko landarearen hostotik eskuratzen da.