Txokolatezko tortila itsusia

Marakuia fideoak:

Pulpa azukrearekin batera egosten dugu. Jarraian, agar-agar gehitu eta une batez irakiten dugu. Sutik atera eta aurrez ur hotzetan hidratatutako gelatina orria gehitzen diogu. Hotzean egoten uzten dugu mamitu arte. Behin mamitua fideo loditan moztu.

Tortila:

Osagai guztiak ondo nahastu ontzi zabal batean. Tortila normal bat egiten dugu barruan marakuia-fideoak sartuz. Urtsua geratu behar du tortilak.

Letxuga berdea:

Letxuga likidotu. Behin likidotua dagoela azukrea eta glukosa gehitu. Minutu batzuk izaten dugu nahasketa egosten.

Amaiera eta aurkezpena:

Plater lau batean tortila kokatzen dugu, ondo kuadratua. Bere ondoan letxuga kokatzen dugu pentsamendu petaloekin lagunduta. Beste ontzi batean kokatzen dugu izozkia.

Osagaiak (lau pertsonentzat):

Marakuia fideoentzat:

50 gr marakuia pulpa
10 gr azukre
0,5 gr agar-agar
Gelatina bat (bi gr)

Tortilarentzat:

25 gr azukre
25 gr %70 txokolate beltz kobertura
Bi gr kakao

Letxuga berdearentzat:

Letxuga handi bat
125 gr azukre
20 gr glukosa

Gainera:

Pentsamenduak (loreak)