-Zapoaren saltsarako:

Osagai guztiak txikitu, ore lodi bat egin arte. Gatza eta piperbeltza bota eta azukrearekin zein jengibrearekin zuzendu.

-Zapoa egiteko:
Zapoa garbitu eta solomoak kendu. Anoatan banatu. Zapoa ondu eta saltsarekin bustiko dugu. Plantxan egin, ez utzi kolore gehiegi hartzen.

-Brontzezko olioa egiteko:
Bi osagaiak nahastu.

-Tipulina-berdea egiteko:
Bi osagaiak txikitu olio berdea lortu arte. Ondu.

-Brontze-tipula egiteko:
Tipula garbitu eta zatitu. Uretan egosi gatz pixka batekin. Egosteko erabili den uraren 100 g.-rekin txikitu azukrea eta brontzea. Silpat batean fin-fin hedatu eta utzi lehortzen. Lehortu denean, zatitan banatu, forma irregularrekin. Horretarako, aurretik, 170 ºC-tan aurretik berotutako labean pixka bat berotu.

-Sesamo-hazien saldako saltsa egiteko:
Hazien infusioa egin saldan 5 minutuz. Iragazi eta ehundura eman. Gatza eta piperbeltza eman eta jengibre pixka bat hauspeatu.

BUKAERA ETA AURKEZTEKO MODUA:

Zapoa brontze-olioarekin koloreztatu. Ongi koloreztatu denean, platerean jarri. Alboan, tipulin berdea eta salda. Azken unean, brontze-tipula jarri. Kinoa aleekin hauspeatu dena.

 

OSAGAIAK:

-Zapoaren saltsarako:
100 g. tipula melatu
45 g. zapo gibel
50 g. pinazi txigortu
25 g. 0,4ko oliba-olio
25 g. pasioaren frutaren zuku
Azukre pixka bat
Gatza, piperbeltza eta jengibrea

-Zapoa egiteko:
1 kg. zapo
Gatza

-Brontzezko olioa egiteko:
0,2 g. jateko brontze-hauts
1 dl. oliba-olio

-Tipulina-berdea egiteko:
35 g. tipulina fresko
100 g. oliba-olio
Gatza

-Brontze-tipula egiteko:
Litro 1/2 ur
Tipula 1
15 g. azukre
0,3 g. jateko brontze-hauts
1 dl. oliba-olio
Gatza

-Sesamo-hazien saldako saltsa egiteko:
Litro 1/2 oilo-salda
8 g. sesamo-hazi txigortu
kafe koilaratxo 1
70 g. tipula melatu
Gatza, piperbeltza eta jengibre-hautsa

-Eta, gainera: Kinoa suflatua