Zelai Txiki: sustraietara itzuliz

Ogia. Edozein oturuntzatan falta ez den elementua. Edozein bazkari edo afaritako laguna. Saltsetan zehar nabigatzen laguntzen digun barkua. Etxeraino laguntzen dizun barra, gosea asetzen laguntzen dizun ibilbide horretan.

Pixkanka pixkanaka ogia joan da protagonismoa lortzen gure sukaldaritzan. Gure probintziako kaleak betetzen dituzten okindegiak bisitatu besterik ez dago konturatzeko atzean geratu direla soilik ogi handia edo txikia eskaintzen zizkiguten garaiak.

Protagonismo hori okindegietatik gure jatetxeetara egin du jauzi, mimo handiz zaintzen den elementu bat bihurtu da, asko dira jatetxean bertan ogia egiten duten sukaldariak, adibidez, Zelai Txikiko Juan Carlos Caro. Bertan ogia egiteko Juan Carlosek Can Fabesetik ekarritako ama-orea erabiltzen dute, oraindik elikatzen dutena. Horrekin lortzen dute maila handiko ogi bat egitea, gastronomia zale ororen gozamenerako eta jatetxetik kanpo ere famatua egin den ogi bat.

2014. urteko apirilean berriro ere hartu zuten Zelai Txikiko ardura Juan Carlos Caro, sukaldean, eta Eva Hernandezek, jantokian. 13 urtez iraun zuen jabe aldaketa baten ondoren, berriro ere itzuli dira jatetxeari bultzadatxoa eman eta itxura berritzeko. Zelai Txiki bere sustraietara itzuli dela esan dezakegu, egur labea mantenduz, baita kaleko parrila ere, baratza, etab. Baina sustrai horiei ikutu modernoa gehitzen diote, hala nola, jantoki amaieran kokatua dagoen ardo-kaba, zeina bere argitasun bereziarekin gauetan ikuskizun hutsa izaten den.

Juan Carlos eta Evarekin batera sukaldeko lan talde bikain bat Richi Yuste, sukaldeko bigarrena, eta Leticia Yañezekin, okina. Hori dugu euskal sukaldaritza gaurkotu bat prestatzen duen gizataldea, garai berrietara egokitua eta non protagonismo handia duten denboraldiko produktuek. Zelai Txikiko sukaldaritzak ere badu frantziar ikutu bat.

Kartari begiradatxoa botatzen hasiz gero sarrerakoetan dastatu ditzakegu etxean eginiko hestebeteak, hala nola, txistorra edo urdai egosia; ontto salteatuak cocottearekin; arroza nabajekin; edo abakando entsalada. Kutixi horiekin batera, barazkiak, jatetxeak berak duen baratzetik eskuratuak.

Arrainen atala aztertzen hasita ohartuko gara produktuaren denboraldiak mugatutako atala dela, baina urtaroaren arabera dastatu beharrekoak dira: olagarroa parrilan gure baratzeko patata purearekin; zapoa, kogotea edo bisigua parrilan; txipiroiak; edota kokotxak parrilan, arrautzeztatuak edo pil-pilean jan ditzakegunak.

Haragiei dagokionez azpimarratu beharrekoak dira: Guikar txuletoia (San Sebastian Gastronomikako Nazio mailako Parrila Txapelketan haragi onenaren saria irabazitakoa), eta egur-labean erretako Segoviako txerritxoa eta Burgosko arkumea. Hiru kutixi gastronomiko horiei ehiza platerrak gehitu behar zaizkie denboraldia denean (orain), adibidez, ahate urdinaren izter gisatuak edo magreta plantxan.

Oturuntzako momentu gozorako aukeratu ditzakegu sagar tarta beroa, txokolatezko coulanta edo etxeko torrada karamelizatua. Gozogintza oro etxean eginikoa da.

Aipamen berezia egin behar diogu Zelai Txikiren upategiari. Hasieran aipatzen genizuen jantokiaren amaieran kokatua dagoen kabak eskaintzen duen ikuskizuna, bi gela bereiziekin eta non 125 ardo erreferentzia gordeak daude, mimo handiz aukeratuak, estatuko jatorrizko izendapen guztietatik hasita Europako herrialdeetatik ekarritako beste erreferentzia batzuetara iritsi arte.

Terraza ikusgarri batek, parkina eta etxe txikienen gozamenerako parke batek bihurtzen dute Zelai Txiki kontuan hartu beharreko gure hiriko sukaldaritza bisita bat. On egin!

Izena: Zelai Txiki

Helbidea: Travesía Rodil 79 (Donostia)

Telefonoa: 943274622

Itxi: Astelehen gaua, asteartea egun osoa eta asteazken gaua

Jantokia: Bat 90 pertsonentzat

Salneurria: Karta 35-55€