Ogi-tosta:

Ogi-tosta eginez jarriko gara martxan. Horretarako, baserriko-ogitxoa hartuko dugu (antzeko ogia behar dugu gainean eramango dituen osagaiak eta hezetasuna mantentzeko gai dena). Ogia plantxan txigortuko dugu olio apur batekin, mamia kondentsatzen saiatuko gara espatula baten laguntzarekin.

Sagar-xerrak:

Golden sagarra xerretan moztu eta hauek olio pixka batekin frijitzen ditugu.

Pikilo piperrak:

Pikilo piperrak oliotan konfitatuko ditugu, bertan izango ditugularik konfitatzen denbora luzez, ahalik eta ur kantitate handiena kentzea lortzeko.

Foie:

Foie freskoa prestatzeko zartagin bat erabiliko dugu. Bi aldetik txigortuko ditugu foie zatiak, eta alde bat egin gabe utziko dugu. Pintxoa aurkeztera goazenean, foie egiten bukatuko dugu labean.

Oliozpina:

Oliozpinerako nahastuko ditugu oliba-olio birjina extra, Modena ozpina eta soja, hori guztia hotzean. Neurriak, bakoitzaren gustoaren araberakoa izango dira, baina kontuan hartu beharrekoa da soja azkeneko momentuan gehitzea.

Aurkezpena:

Pintxoa aurkezteko, tosta jarriko dugu eta gainean gainontzeko osagaiak honako ordena jarraituz: mertxika-mermelada, pikilo-piperra, Golden sagar xerrak, foie, bakailao-ketu xerrak, urdaia, oliozpina eta perrexil-olioa. Pintxoa dekoratzeko erabiliko ditugu perrexil orri frijituak.

Osagaiak:

• Baserriko ogi txiki bat
• Mertxika-mermelada
• Golden Sagarra
• Pikilo piperrak
• Foie freskoa
• Bakailao-ketua xerretan
• Urdai iberikoa
• Oliba-olio birjina extra
• Modena-ozpina
• Soja
• Perrexil-olioa

Bixente Muñozen (Gran Sol/Hondarribia) errezeta

Eva Pascualen argazkia