Txipiroi apurrak:

Txipiroi apurrak prestatuz ekingo diogu errezetari. Horretarako, lehenik eta behin, típula sutan jarriko dugu, kolore horizta hartzen duenean txipiroia gehituz. Txipiroia samurra geratu arte izaten dugu egosten. Garrantzitsua da kazola estalita mantentzea salda mantentzeko.

Beste alde batetik, artzainaren ohiko apurrak prestatzen ditugu, ogi-apurrekin, olio pixka batekin eta txorizo oso gutxirekin. Behin txipiroiak eta apurrak prest ditugunean, nahastu eta gorde egiten ditugu.

Arrautza:

Arrautza, aurretik irakiten jarritako ur gatzatuan egosiko dugu. Arrautza hozkailutik sartuko dugu zuzenean kazolara eta ur irakinetan izango dugu sei minutuz. Behin denbora hori pasata, ur izoztuan sartuko dugu arrautza hoztu dadin.

Urrezko goxokia:

Urrezko goxokia lortze aldera tapioka egosiko dugu. Oso egosia dagoela ikustean urre koloreztatzailea eta glas azukrea gehitzen dizkiogu, urrezko goxokia lortuaz.

Salda:

Azkenik, oiloa, txahala eta barazki askorekin aurrez prestaturiko salda prest izango dugu. Salda horri, txipiroia egostetik lortutako zukua gehituko diogu.

Patatak:

Mandolina baten laguntzarekin patata-looping bat egiten dugu ondoren oliotan frijitzeko.

Aurkezpena:

Pintxoa aurkezteko bol bat erabiliko dugu. Azpian, apurrak kokatzen ditugu, gainean arrautza, jarraian txipiroiaren tinta, gero urrezko goxokia, eta gainetik patata loopinga eta perrexil olioa ikutu verdea emateko pintxoari. Pintxoa zerbitzatu behar dugunean, azken momentuan (komeni bezeroaren aurrean) salda botatzen dugu.

Osagaiak:

• Arrautza bat
• Tipula
• Txipiroia
• Ogi-apurrak
• Olioa
• Txorizoa
• Tapioka
• Urre koloreztatzailea
• Salda
• Txipiroiaren tinta
• Patata
• Perrexil olioa

Bixente Muñozen (Gran Sol/Hondarribia) errezeta

Eva Pascualen argazkia